Wosia Diwani ya Mashairi

Wosia—Diwani ya Mashairi ni mkusanyiko wa mashairi wa aina yake. Mashairi yenyewe yametungwa kwa kuzingatia mahitaji ya ushairi katika kiwango cha daraja ya awali (junior school).

Diwani hii ina mashairi ishirini na sita yaliyotungwa kwa ufundi na ustadi. Mashairi, kama tanzu ya fasihi, ni kioo cha jamii. Mashairi haya yaburudisha, kushawishi, kuasa, kufikirisha na hata kuchekesha. Kwa njia hii yanateka hisia za msomaji na kumchorea picha mawazoni ili aweze kuyafurahia. Aidha, yanafikisha ujumbe palipokusudiwa.

Watunzi wa Wosia—Diwani ya Mashairi wana uzoefu na wepesi wa kutunga mashairi. Diwani hii imejumuisha malenga na wasomalenga, wanawake kwa wanaume, wadogo kwa wakubwa, ili kudumisha usawa wa kijinsia, kimaeneo na kiumri. Watunzi chipukizi wamejumuishwa katika diwani hii kimakusudi pia ili kuwapa fursa ya kukuza vipawa vyao. Aidha, watakuwa kielelezo bora kwa wanafunzi ambao wana hamu ya kuwa watunzi wa mashairi.